A deskonektá e porta di kurá for di koriente pa asina por a habri esaki.

Willemstad— Polis mester a bai na Harmonia ku ta keda riba kaminda Helmin Wiels Boulevard pa un kaso di ladronisia unda a bai ku un vèn di e marka Hyundai.

Tabata den oranan di mardugá ku a logra di subi e tereno di Harmonia na De Savaan dor di deskonektá e porta di koriente pa asina por a habri esaki.  A bai na un vèn di e marka Hyundai ku tabata stashoná riba e tereno i a destruí e suich pa asina por a start esaki bai kuné. Den oranan di mainta Polis a haña e informashon ku den e edifisio bieu i dekaí di Sentro Pro Arte na Schouwburgweg mester tin un vehíkulo. Ora a bai einan a bin topa ku e vèn di e marka Hyundai ku a logra di kue den e kura di Harmonia bai kuné. Polis a konfiská e vehíkulo pa mas investigashon.