Back to Top
Responsive image
E korant di pueblo

Mas detenshon den kaso ku a resultá dòbel kantidat di kokaina (3200 kilo kokaina)


June 19, 2020 • 1 minüt pa lesa

WOERDEN—Den un investigashon grandi riba trafikashon di droga a tene entrada den kas di un hòmber na Woerden.

Esaki riba petishon di Ministerio Públiko bèlga. E hòmber a keda detené. Na aprel hustisia hulandes a mèldu ku outoridatnan a interseptá kasi 1500 kilo di kokaina den haf di Rotterdam, pero awor a resultá ku ta trata di un total di 3200 kilo di kokaina. Segun Ministerio Públiko e droga tin balor di 240 mion euro riba kaya. Hustisia tabata sa den aprel ku a interseptá 3200 kilo kokaina, pero un parti (1500 kilo) tabata destiná pa merkado hulandes.

E otro mitar tabata pa Belgika. Pa no strobe e investigashon di OM belga, OM HUlanda no por a duna e kantidat total di e droga interseptá. Promé ku a interseptá e kokaina den haf di Rotterdam tabatin un investigashon di OM Bèlgika. Esaki a kondusí na detenshon di e hòmber na Woerden. Un belga di 77 aña tambe a keda detené ayera.

E ta konsiderá e sospechoso prinsipal den e kaso. E hòmber di Woerden ta keda sospechá di importashon di droga. Riba termino korto lo e keda ekstraditá pa Belgika. Den aprel polis a detené 5 persona. A haña e droga den un konteiner for di Brazil. Investigashon a kondusí na e lots na Best kaminda a detené 4 hòmber. E di sinku a keda detené den Rotterdam.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.