Back to Top
Responsive image
E korant di pueblo

Mayornan kier kontinuá lès na kas despues di corona


May 29, 2020 • 1 minüt pa lesa

UTRECHT—Enseñansa na kas durante krísis di corona a kai den asina bo tera serka algun famia, ku nan kier kontinuá esaki despues di corona.

Nan lo ta hasta dispuesto pa kita nan yunan for di skol. Asosashon hulandes di Enseñansa na kas ta haña hopi yamada pa informashon. E reglanan ta stringente. Na Hulanda di enseñansa obligatorio, pues eksonerashon ta bou di kondishonnan stringente. Coronavírùs a trese hopi kambio den enseñansa i hopi otro area di bida mundialmente.

E vírùs a asotá Hulanda seriamente. Entretantu Rijksinstituut Volksgezondheid (RIVM) a mèldu 32 morto mas di corona ayera, ku ta 33 ménos ku siman pasa djamars. Mas aleu RIVM a mèldu 16 pashènt nobo kompará ku 14 un siman promé. Un total di 5.903 persona a fayesé di corona i 11.713 a drenta hospital durante e pandemia te ku ayera. 182 persona a tèst positivo pa e vírùs pa un total di 45.950.

E mèlding tin sierto retraso pasobra no ta tur kaso a tuma lugá den último 24 ora. For di registro di kantidat di kasonan, pashèntnan, kuido intensivo i mortonan pa dia por konkluí ku for di fin di mart e kantidat di kontaminashonnan ta bahando.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.