Back to Top
Responsive image
E korant di pueblo

Mc William kier sa kiko ta bai hasi ku kontrakt di direktornan


June 14, 2021 • 1 minüt pa lesa

Willemstad,– Parlamentario pa partido MAN, Giselle Mc William a splika durante di e reunion di komishon sentral ku e ta di akuerdo ku mester yega na un bahada di e salarionan astronómiko den NV nan.

E ta bisa ku pa su partido, MAN ta mas importante pa esaki ta bon regla i ku no mester konosé kasonan den korte ku wes ta bisa ku parlamento ta robes, p’esei e ta puntra si gobièrnu a chèk e parti di overgansregeling, pa esaki no ta kontra di e trahadónan.

Tambe e ta bisa ku nan di partido MAN kier sa si tin direktornan ku kontraktnan ku ta wòrdu kaduká pa esun nobo keda apliká, òf ku ta esun ku tin awor aki ta keda apliká. Den artíkulo 8 lid 1, e parlamentario ta bisa ku ta papia ku e medida ta pa un aña i e kier sa kiko ta pasa promé di yüli 2021 kaminda ku esaki ta kaduká.

Tambe e ta splika ku no ta bisa pa kuantu temporada mirando ku a para esaki pa tres aña pa ámtenar, MAN ta kere ku mester pone esaki den lei, mirando ku loontrede den VN nan ta basa riba prestashon. E ta sigui puntra si tin NV nan ku e salario ta bou di e norma i ku si lo hisa esakinan konforme e lei.



Login