Willemstad,– Den deklarashon na Vigilante e lider polítiko di partido KEM ta bisa ku e ta konvensí ku mester trese kambio lihé den prizon. Segun Lo e kambio drástiko ku mester bini ta na benefisio di prezunan, pero tambe sigur na benefisio di hinter e personal di prizòn.

E ta splika ku mester remodelá e lugá. Segun señor Martinez e prizòn aktual ta hopi antikuá, pero tambe esaki no ta ningun tiki sigur pa e personal ku tur dia ta laborá den prizòn.

“Tur tata i mama di famia ku ta laborá den prizon mester por tin e seguridat i garantia ku despues di kumpli ku na  trabou den prizon nan mester por yega  nan kas bèk sano i salvo”, asina e lider di partido KEM a duna di konosé na Vigilante.

ENSEÑANSA

Segun Lo ningun hende hamas ta deseá di resultá den prizòn, pero si pa kualke motibu un hende mester resultá den prizon e no mester hañ’é ku dòbel kastigu.

Segun Lo mester trese enseñansa òf halsa e kalidat di enseñansa den prizòn. E ta bisa ku si ta wòrdu papia di ku kada prezu mester sali un mihó hende despues ku el a kaba sinta su kastigu, anto e ora ei mester kuminsá ku edukashon kaminda ku tur hende ku kai será por sali kisas ku asta un diploma den su man.

VERLÒF

“Mester bini tambe ku un sistema di asina yamá verlòf. Ora un prezu sinta un determinado kantidat di tempu di su kastigu, e mester por bai kas den fin di siman mínimo 1 bia pa luna. Esei ta duna e presu e chèns pa kuminsá resosialisá”, pues señor Martinez.

E ta enfatisá ku mester kuminsá bini ku mas trabou pafó di prizòn pa un prezu. Michelangelo ta bisa ku tin masha hopi trabou mes kaminda ku e prezu por sali tur dia bai traha i por gana un salario pa asina siendo será e por keda sostené su famia.

WIPKAMER

Pa finalisá Lo ta bisa ku mester introdusí tambe e asina yamá “wipkamer” na prizòn. E echo ku un hende kai sera hamas mester kibra su relashon íntimo ku su kasa òf su pareha. Tur dia ta papia ku nos ta un pais den desaroyo i esaki tambe ta kambionan ku mester por bini kuné. Asina Lo a finalisá bisando.