Back to Top
Responsive image
E korant di pueblo

Miéntras investigashon ta andando siruhano mester keda un luna sin hasi operashon òf tuma sita


May 28, 2020 • 4 minüt pa lesa

 Willemstad— E siruhano M. Misset mester keda awor  1 luna sin forma parti  na  operashon nan  i tampoko no por tin niun sita na Poliklínika miéntras ku tin un investigashon andando den su kontra dirigí pa e  Servisio di Inspekshon di Salubridat Públiko.

Ta diferente keho a ser entrega kontra di e siruhano Misset aki unda ta tilde ku operashonnan no a bai manera debe ser i ku sigur pashèntnan a keda ku difikultat  na final. Esaki a pone ku Inspekshon di Salubridat Públiko  a skors e siruhano Misset pa 1 luna pa asina nan por hasi nan investigashon di un forma transparente i ophetivamente sin ku nan por wòrdu influensha dor di e siruhano. Tabata siman pasa ku un pashènt mester a deklará den un entrevista na e kanal di Televishon Dirèkt ku aña pasa despues di a keda ópera pa e siruhano Misset e no a keda manera mester ta. E pashènt a splika públikamente ku   e la bai pa un simpel  amputashon di pechu ku na final a bira un dòbel amputashon.  E pashènt- víktima a splika ku debí na e operashon robes aki e la keda ku basta leshon i tambe trouma ainda despues di kasi 1 aña. E operashon a tuma lugá na aña 2019. Mirando e konsternashon sigur ku e deklarashon aki a trese a pone ku mesora a ordená un investigashon kontra di e siruhano aki. Den pasado ya kaba e siruhano Misset aki tabata den notisia na unda e trahadónan den e kamber di operashon no kier a traha mas ku e siruhano Misset. Esaki tabata na aña 2018 den hospital bieu.  E tim ku tabata laborá den kamber di operashon  i tambe e direktiva tabatin duda na e forma di funshoná di e siruhano Misset i a pidi pa wanta ku su operashonnan i laga  un investigashon e tempu ei dor di e inspekshon di e departamentu di Salubridat tuma lugá pa wak si e ta apto pa traha den sala di operashon. For di e investigashon ku a sigui e tempu ei a bin dedusí ku e siruhano Misset no a funshoná bou di nivel i ku e problema kardinal ta e komunikashon entre di e siruhano i e trahadónan den e kamber di operashon. A ordená e tempu ei e Siruhano pa sigui un kurso di papiamentu ya asina e komunikashon entre nan por ta na un mihó nivel. Asta  e tempu ei a pone un suma di plaka  si Hospital no kumpli ku e órden pa laga e siruhano Misset bolbe kuminsá funshoná komo speshalista. Awor aki e investigashon nobo aki ta andando i sigur lo bai bek na e kasonan anterior.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.