Back to Top
Responsive image
E korant di pueblo

Ministerio Públiko i wes kier mas informashon pa pashènt ku a mishi ku zùster


June 30, 2020 • 2 minüt pa lesa

WILLEMSTAD,—– Ministerio Públiko ayera den un kaso a indiká ku nan kier mas informashon di e hòmber Liyandel A. unda ta akus’é di a mishi ku un zùster ku lo a presentá na su kas pa por pas’é angua. Tabata 5 di mart último ku e suseso a tuma lugá unda ayera a bin dilanti ku lo kier pa reclassering hasi un ke otro investigashon, pa wak un famia di e akusado mes tambe lo por pas’é angua, pa evitá ku e tipo di kosnan aki ta bolbe pasa.

A bin dilanti ayera den e kaso ku tabata despues ku e zùster a bai na bibienda di e akusado, ku e akusado lo a falt’é rèspèt, dor di kue tene i bis’é ku e tin ku hasi tur loke e kier pe. E zùster a kaba di pasa e akusado angua na altura di su parti patras, kual e akusado lo a bira kue tene, bras’é i tambe mishi ku su parti íntimo. Tabata aki ku e zùster a rabia i kier a kore bai kual e hòmber di fam A. lo a rank’é na su man ku konsekuensia ku e bai kas i despues a keda pidié pa sunchi.

E akusado a atmití ku e la kue e víktima tene pero e no a kue su parti íntimo tene. E kaso mester a keda terminá ayera den korte, pero debí ku e akusado tin ku keda haña remedi via angua i no kier pa algu asin’aki pasa mas den futuro a bin ku e inisiativa ku ta bai wak si tanta di e akusado mes lo por pas’é angua pa evitá ku e tin ku bolbe haña servisio di e zùster òf su kolega nan i esaki ta bai terminá mesun kos. Wes a bisa ku e tambe ta di akuerdo ku e ponensia di OM, esta pa wak un otro sistema pa e kosnan kambia i tòg e sospechoso keda haña su remedi mirando ku tin indikashon ku e mester di esaki.

Ta trata aki di un sospechoso di 25 aña ku for di su 20 aña ta bishita Klínika Capriles, kual e instansia aki lo ta sòru pa e haña su remedi nan i pa evitá ku e ta bira agresivo. OM a pidi pa posponé e kaso ayera, kual tambe a bin dilanti ku lo kier pa reclassering di un manera òf otro por duna algun konseho. Ministerio Públiko a bisa ku den poko tempu reclassering lo por kontestá tur e preguntanan ku nan tin i ku lo no dura e hopi pa e kaso bin bèk dilanti. E kaso a keda posponé ayera pa algun informashon ku reclassering mester añadí, miéntras esaki lo sigui 24 di yüli próksimo mitar di 2, unda aki fiskal mr. Dennaoui lo hiba su rekisitorio, miéntras abogado di e sospechoso tambe lo hiba defensa pa wak si e kaso lo yega na final riba e fecha mes.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.