Nan a kore bin para na Jandoret unda a topa ku Polis.

Libu —- Polis mester a bai na Kaminda Amado Römer altura di e saliña na Libu  pa un kaso di ladronisia unda ku ladronnan ta hòrta dos tas for di un pareha.

Ayera den oranan di atardi a pidi asistensia di Polisnan pa yega na Libu na altura di e saliñanan pa un kaso di ladronisia. Un pareha mester a yega na e saliña ku tin na Libu den un vehíkulo pa asina por a bai atmirá e flamingonan. Nèt despues ku nan a baha for di e vehíkulo a tuma nota ku un outo di e marka Kia Rio Kolo pretu ku sigur tres tipo aden mester a kore yega. Un di e tiponan aki na momento ku e a tuma nota ku e pareha su tinu no tabata na e vehíkulo ku nan a bini aden a bai na esaki i a kue dos tas i a kore drenta e outo bek ku esakinan.

E hòmber ku tabata huntu ku e dama ku a ripara ku nan tas a keda hòrta a kore bula riba tapa di mashin di e outo pa evitá ku ta bai ku nan pertinenshanan. Pero esun ku tabata manehá e outo mester a duna tròt pone ku e hòmber a kai for di esaki. debí na e maniobranan aki e hòmber a sufri kòrtá na altura di su pòls. Mesora e pareha a drenta den e  vehíkulo ku nan a bin kuné pa trata di alkansá e outo ku a kore bai i tambe buska asistensia. Tabata na altura di Jandoret ku nan a bin topa Polis unda nan a duna nan denunsia. E kaso ta den investigashon. Awor Polis ta buskando un Kia Ria pretu ku sigur su tapa di mashin ta tur dobla.