Back to Top
Responsive image
E korant di pueblo

Negoshi riba Gosieweg sendé na kandela


June 29, 2020 • 1 minüt pa lesa

Willemstad—Bon aktuashon rápido di pagadónan di kandela stashoná na Rio Canario a evitá ku kandela por a destruí un negoshi situá riba Gosieweg por kompleto.

Djasabra mardugá a pidi presensia ku urgensia di Bomberonan stashoná na  Rio Canario pa yega mas lihé posibel na un negoshi riba Gosieweg ku su interior lo tabata na kandela. Ta trata di e negoshi ku ta bende piesa i tambe asesorio pa outo i demas vehíkulonan. Na yegada di e bomberonan a tuma nota ku e kandela tabata na e parti di e interior i mesora a logra di habri e porta pa asina por a yega na e kandela pa por a dominá esaki. A logra di paga esaki promé ku e kandela por a destruí e interior di e negoshi por kompleto. Sigur e negoshi a keda tras ku basta daño material. For di e investigashon realisá a bin saka afó ku deskonosínan hasiendo uso di un piedra di klenku mester a destruí glas di e negoshi pa despues tira un opheto flamabel sende na kandela den e negoshi. Polis  huntu ku e tim Forensiko ta kondusiendo e demas investigashon.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.