Back to Top
Responsive image
E korant di pueblo

No ta bai pa si bo ta inskribí ta bai pa si bo ta aktivo


May 29, 2020 • 4 minüt pa lesa

Willemstad,– Finalmente ayera señor Carlos Monk na nòmber di Fundashon Lei pa Un i Tur a entregá un keho na ‘landsrecherche’ kontra di minister Camelia Romer.

T’asina ku e kos aki ta andando for di luna di mart kaminda dia 12 di mart señora Camelia Romer a yama un rueda di prensa aya sede di partido PIN, kaminda el a splika klaramente tokante di su embolbimentu pa loke ta inskripshon na kámara di komèrsio.

E dia ei minister Camelia Romer a splika ku pa loke ta e kaso ku un fundashon a entamá kontra di su persona, pa loke e ta ser akusá di dje no ta kuadra.

Suzy a bisa ku e asuntu di inskribí na kámara di komèrsio, no ta manera e ta ser interpretá. E ta bisa ku un ‘never activiteiten’, ta nifiká ku e kompania ta aktivo, pero si bo tin un Fundashon inskribí na kámara di Komèrsio tantu aña kaba i nunka e fundashon aki no tabata aktivo, e no por ser konsiderá ora di pasa screening pa bira minister.

Segun Suzy e lei di integridat no ta bisa ku bo no tin mag di ta inskribí na Kámara di Komèrsio, e ta bisa ku bo e Fundashon òf kompania no mester ta aktivo.

E titular di salubridat a splika tokante di tur e kompanianan i Fundashon nan ku e tabata miembro i ku tabata inskribí na Kámara di Komèrsio i ku el a manda riba e lista tur esnan ku e tabata kòrda manera entre otro Fundashon Tula i e Fundashon ku a traha riba historia den pasado.

Segun Suzy, si e mester baha komo minister pa un di e tipo di fundashon nan aki, e lo baha sin niun problema, paso e sa ku el a yuda e kousa pa su pais Kòrsou. Pues segun Camelia Romer e ta haña ta bon si pa ministerio públiko bai hasi e investigashon pa asina trese klaridat den su kaso.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.