Back to Top
Responsive image
E korant di pueblo

‘Ora un persona dal bo bai hasi denunsia i no maltrat’é’


June 29, 2020 • 2 minüt pa lesa

WILLEMSTAD,—- Un kaso lo konosé sentensia e siman aki, despues ku e hòmber J. de H. lo a maltratá un persona ku segun su deklarashon lo tabata instig’e. E la bisa ku e persona aki a mand’é ku bòter, kual despues e persona a yega serka i dal’e un moketa ku konsekuensia ku el a maltrat’é. Den promé instansia kaba OM a indiká ku J. no mester a maltratá e víktima di e forma ei, pero e mester a bai hasi un denunsia. Den promé instansia, korte no a yega na un kondena pa J. i OM no ta di akuerdo ku esaki kual a bai apelashon.

Ministerio Públiko no ta di akuerdo ku un persona ku probablemente a keda instigá lo a dal e víktima, ku a dal e algun ratu promé. Tabata den luna di febrüari 2019, ku lo tabatin un diskushon na un laman parti pabou di Kòrsou, despues ku e hòmber J. de H. a presentá ku su kachó pa por landa kuné na e playa. E diskushon a bira unu basta serio na momentu ku algun persona lo a kana bai den direkshon di J. kual  aki lo a rondon’é i bisé pa e bandoná e laman ku su kachó.

J. kende tabata bandonando e playa ku su kachó, a keda mandá ku bòter di serbes pero esaki lo no a alkanse. Segun deklarashon di J. ku e persona ku a mand’é ku bòter, no tabatin nada di aber ku e diskushon, pero a kumpra e problema. J. a splika korte ku tabata aki ku e persona a yega serka dje kual e dal e un moketa den su kara. J. na su turno a kuminsá bringa ku e persona kual lo e la dal un total di 4 biaha segun su deklarashon i tambe di e víktima.

Den promé instansia OM a indiká na dje, ku den e kaso aki e no mester a dal e víktima pero bandoná e sitio i a bai hasi un denunsia kontra dje. Tabata fiskal mr. Out ku a indiká na J. ku e no mester a maltratá e víktima pero bai hasi un denunsia. J. a splika ku e tabata bandonando e sitio na momentu ku e persona tabata keda instig’e. J. a indiká ku e tabata den un situashon ku e no kier a hañ’é aden i lo kier a bandoná e sitio pero primeramente a rondon’é kual despues a sigui kana bin su tras i lo a asta maltrat’é.

Korte no a bai di akuerdo ku OM den promé instansia, kual a bisa ku ounke el a dal e víktima 4 biaha ta konsiderá esaki komo un defensa propio. No a deklará J. liber pero a indiká na dje ku e no ta haña un kondena. Esaki a buta ku Ministerio ku no tabata di akuerdo ku e desishon di wes a bai den korte apelashon ku e kaso, unda 1 di yüli benidero lo tin desishon den e kaso, despues ku Ministerio Públiko a bisa ku nan no kier pa J. bai será pero nan ke pa 3 luna di prizòn keda kologá riba su kabes pa un periodo di 3 aña.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.