Back to Top
Responsive image
E korant di pueblo

Outo ta blòkia trùk di limonada pa asina atrakadó baha kita tur sèn


April 30, 2021 • 1 minüt pa lesa

Willemstad— Polis mester a bai Frederikstraat den Otrobanda pa un kaso di ladronisia ku violensia.

Ayera den dia Polis di Otrobanda a keda dirigí pa Frederikstraat pa un kaso di atrako arma. Na e sitio indiká polis a bin topa ku un trùk  ku ta hasi entrega di limonada stashoná mei mei di kaminda. E dos trahadónan a splika ku nèt nan a kaba di hasi un entrega di limonada na un establesimentu den Breedestraat Otrobanda i a opta pa lora subi Frederikstraat pa asina por a bai Sali riba Arubastraat. Dado momento un vehíkulo kòrá di marka hapones mester a blokianan i for di e outo a baha un hòmber ku un arma di kandela den su man ku kual e la menasa e dos trahadónan. E tipo aki a logra di poderá di e plaka ku tabata den e trùk  ku tabata algu mas ku 100 florin i tambe a kita sèn ku un di e trahadónan tabatin den su saku pa despues a drenta den e outo i a bai for di e sitio. Polis ku a presentá a pidi asistensia di e tim di atrako pa asina nan por kontinuá ku e investigashon.

Login