Back to Top
Responsive image
E korant di pueblo

Parlamentario Mc William: Mester habri di un manera responsabel pa salbaguardiá salubridat di nos pais


May 28, 2020 • 1 minüt pa lesa

Willemstad,– Señora Giselle Mc William ta splika ku den su ròl di ùúltimo simannan komo Minister di Desaroyo Ekonómiko i Turismo, el a wòrdu kritiká i redikulisá́ dor di sierto personahenan den sektor privá pa motibu di bin ku un maneho di Turismo di karentena huntu ku CTB pa asina tiki tiki di un manera responsabel habri nos pais pa turismo.

E ta splika ku ta bisa ku Kòrsou mester habri su portanan: “Gooi de deuren maar open“ i tambe ta kompará nos pais ku paisnan di miónes di habitante.

E ta bisa ku danki Dios pa un maneho responsabel di gobièrnu di Kòrsou nos por aktua i purba kontené posibel plamamentu di COVID-19 dor di un persona ku ta den karentena.

“Mi ta keda para awe mas firmé ku nunka ku mester habri di un manera responsabel pa salbaguardiá salubridat di nos pais i konsekuensia muchu mas pió pa ekonomia si nos mester bai bèk den “lockdown””, asina parlamentario Giselle Mc William a duna di konosé.



Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.