Back to Top
Responsive image
E korant di pueblo

Parti di oro retené pa Banko di Inglatera lo ta destiná pa kumpra kuminda i remedi


May 29, 2020 • 2 minüt pa lesa

CARACAS – E presidente di Banko Sentral di Venezuela, Calixto Ortega, a anunsiá ku a akordá ku Nashonnan Uní di destiná parti di e oro retené na Banko di Inglatera, balorá na 1.000 mion di dòler, den kompra dirèkt di medisina, kuminda i ekiponan médiko ku ta pèrmití enfrentá e pandemia di coronavírùs.

No opstante, outoridatnan monetario di Venezuela a spesifiká ku nan tin di warda e desishon di un huisio di korte di London, unda gobièrnu venezolano a demandá na e Banko di Inglatera, pa ‘ladronisia di 31 ton di oro ku tabata bou di nan’. E promé huisio pa analisá e situashon a tuma lugá den oranan di ayera.

For di luna di òktober di aña 2018, Venezuela ta trata di saka su oro for di e Banko di Inglatera. Na e momentu ei, e pais suramerikano tabata warda 14 tòn di oro na e institushon britániko i awor e reservanan a subi i alkansá 31 tòn, loke ta ekivalente na 1.200 mion di dòler.

No opstante, Reino Uní no ta rekonosé e mandato di Nicolas Maduro, pero ta rekonosé e diputado opositor Juan Guaidó, kende na yanüari di aña 2019 a outo proklamá su mes presidente enkargá di e pais. Pa e motibu aki ta ninga di entregá e rekursonan na Venezuela.

Guaidó mes a solisitá na aña 2019, na e momentu ei e promé minister di Reino Uní, Therese May, pa retené e reservanan di oro aki, pa motibu ku segun e, repatriashon di esakinan pa Venezuela lo ta un transakshon ilegal. Entre tantu, e vise presidente di Venezuela, Delcy Rodriguez, a akusá Guaidó e siman aki di delinkuente, pa intentá apropiá su mes di e rekursonan aki. Esaki a indiká ku Guaidó nan a disidí di forma un kòmplòt pa di e forma aki keda ku e oro di Venezuela.

Ademas a anunsiá ku Maduro a solisitá pa hiba e Banko di Inglatera dilanti Korte Penal Internashonal pa kometé delitonan ‘di eksterminio’.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.