Willemstad,– Korte di Hustisia ayera a duna rason na partido PIN, argumentando ku nan tabatin tur derechi pa organisá un aktividat pa rekoudá fondo manera nan a hasié durante kampaña elektoral 2017 rondó di e aktividat di Michele Obama, kaminda partido PIN a regalá entre su donatùrnan un estadia VIP na Ft. Lauderdale pa e presentashon di e buki ‘Becoming’.

E desishon di Korte di Hustisia ta mustra, ku tin un kantidat grandi di pregunta hurídiko ku por hasi rondó di e sistema legal di rekoudashon di fondo di partidonan polítiko. Tin demasiado in klaridat kiko si por i kiko no.

Kiko gobièrnu ta bai tolerá, sikiera pa e periodo elektoral aki, Paso si no por tin ‘premio di porta,  no por tin ‘bon kuné’; etc. Pues kiko si ta permití?

Segun Korte di Hustisia, Gobièrnu no por kibra su polítika di toleransia di años sin un periodo di traspaso i sin kumpli ku reglanan di bon gobernashon.

Awor Gobièrnu mester splika bai na splika kiko si por durante e periodo di kampaña polítiko.

Na final Gobièrnu ta bin ku un lei pa den futuro tin klaridat i por evitá intransparensia den rekoudashon di fondo?

E abogado di partido PIN seguidamente lo bai manda un karta pa Gobièrnu pa partido PIN i tur otro partido polítiko por haña klaridat mas pronto ku ta posibel.