Back to Top
Responsive image
E korant di pueblo

Personanan di mas ku 70 aña tin di keda den karentena te ku luna di ougùstùs


May 29, 2020 • 1 minüt pa lesa

BOGOTA – E gobièrnu kolombiano a indiká ku for di oranan di djarason último te ku dia 31 dia ougùstùs próksimo, aislamentu preventivo obligatorio di personanan di mas ku 70 aña di edat. Esaki relashoná ku e vírùs di corona i a anunsiá ku nan lo tin pèrmit di sali na airu liber tres biaha pa siman durante 30 minüt.

Mediante e resolushon 0000844, e Ministerio di Salú a ordená pa ekstendé te ku dia 31 di ougùstùs 2020 e medidanan sanitario di aislamentu i karentena preventivo pa personanan di mas ku 70 aña di bida. Esaki pa asina protehá nan salú mental.

Durante e programa di televishon ‘Prevencion y Accion’, e minister di salú, Fernando Ruiz, a splika ku apesar di esaki, e personanan di mas ku 70 aña tòg lo por realisá aktividatnan na airu liber tres biaha pa siman durante 30 minüt. Esaki relashoná ku COVID-19, ku segun e minister presidente di e pais a indiká, ya tin 24.104 kaso positivo na e pais i otro 803 persona ku a pèrdè nan bida pa e motibu aki.

Miéntras ku e orario pa sali den kada munisipio lo keda komuniká despues, a papia tambe di muchanan di entre 2 i 5 aña di bida. Ku base di rekomendashonnan hasí pa ekspertonan, a determiná ku esaki nan tambe lo por sali durante 3 biaha pa siman durante 3 minüt. Meskos ta konta tambe pa esnan di entre 6 i 17 aña, ku lo tin e opshon di tres biaha pa siman, pero durante 1 ora.

Tabata dia 25 di mart último ku kolombianonan a kuminsá ku aislamentu preventivo obligatorio i awor esaki a keda ekstendé pa menornan di edat i ansiano nan di mas ku 70 aña.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.