Back to Top
Responsive image
E korant di pueblo

Polis a bai hiba hòmber kas ku tabata drumi kantu di kaminda


June 18, 2020 • 1 minüt pa lesa

A bin topa e siudadano sinta kantu di kaminda riba  Winston Churchillweg.

Willemstad—–  Polis mester a hiba un hòmber kas kual su kurpa tabata basta kansa i no por a kana riba propio forsa pa yega su kas sano i salvo.

Den oranan lat di anochi Polis a haña e informashon  ku riba Winston Churchillweg nèt enfrente di panaderia Libanesa lo tin un hòmber kantu di kaminda drumi. Hopi a kere ku ta outo mester a alkansá e siudadano aki. Na yegada di Polis e hòmber a lanta sinta i mesora polis a tuma nota ku su kurpa tabata basta kansa. E hòmber a splika ku enbèrdat e la dal algun beter di mas i awor e kier a yega su kas pero sin e resultado deseá. E polisnan a  opta pa dun’é un left bai bah’é na kas pa asina e por a drumi i sosegá su kurpa.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.