Back to Top
Responsive image
E korant di pueblo

Polis buskando tur kaminda esun ku a sende vehíkulo polisial na kandela


June 30, 2020 • 1 minüt pa lesa

Manifestantenan a bòltu e vehíkulo polisial pa despues sende esaki na kandela.

Willemstad—E tim investigadó a bin ta studia tur e grabashonnan pa asina identifiká esun ku a sende e vehíkulo polisial den Punda na kandela.

Durante di e manifestashon tabatin un vehíkulo polisial stashoná den Punda. Dado momento e grupo ku tabata kometé disturbio den Punda a opta pa bòltu e vehíkulo polisial. Despues di esaki a kuminsá grita pa sende e vehíkulo na kandela. No a dura masha ku algun di esnan ku a kometé e disturbio di a bòltu e vehíkulo polisial a kore bai na esaki i a sende e vehíkulo na kandela. Durante investigashon ku a sigui a logra di identifiká mayoria di e sospechosonan i sigur dos di nan ku tabata envolví den e insendio a keda detené. Awor ta buskando e esun responsabel ku a sende e vehíkulo di polis na kandela. Ta trahando duru pa mas lihé pone man riba e sospechoso aki.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.