Back to Top
Responsive image
E korant di pueblo

Polis ta detené hòmber ku tabata den poseshon di dos oloshi basta nobo


June 30, 2020 • 1 minüt pa lesa

Willemstad—– Polisnan a logra di detené un hòmber ku na e promé instante no por a bisa unda e la Sali ku dos oloshi nobo nobo ku e tabatin den su poder.

Un siudadano atento a tuma nota di un hòmber aktuando basta sospechoso ku dos oloshi ku e tabatin den su poder. E oloshinan aki tabatin nan label di marka i tambe preis ainda na nan. E siudadano a pensa ku sigur e homnber aki lo a drenta den un negoshi den aria di Punda unda e la logra di bai ku e oloshi nan aki. E siudadano a sigui e hòmber na un distansha miéntras e la yama Polis. Tabata nèt na e pia di brùg na e parti di Otrobanda ku Polis a logra di para e hòmber i enbèrdat a bin hañ’é den poder di e dos oloshinan. Ora a puntr’é di unda e la Sali ku e oloshinan i kuantu e la paga pa nan e no por a duna un deklarashon satisfaktorio. Esaki a pone ku mesora e la keda detené i tambe a konfiská e dos oloshinan bai warda kuné pa asina por a hasi mas investigashon.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.