Back to Top
Responsive image
E korant di pueblo

Polisnan no ta bai pèrmití pa kita 12.5% for di nan


May 28, 2020 • 4 minüt pa lesa

Willemstad,– Lidernan sindikal ku ta representá polisnan di Kuerpo Polisial Kòrsou a papia ku nan miembronan despues di a reuní e dia anterior ku minister di hustisia señor Quincy Girigorie tokante di e 12 porshento i mei ku kier kita for di nan salario.

E sindikalistanan a splika nan miembronan ku gobièrnu a bisa ku lo bai studia e posibilidatnan pa wak for di unda lo bai kita e 12,5 %, pero e miembronan a reakshoná mesora i bisa ku no tin te pa kita for di ningun kaminda.

Lokual ku e sindikatonan ta eksihí ta pa gobièrnu bini den un reunion di CGOA pa deliberá riba e puntonan aki pa asina yega na un situashon satisfaktorio ku ta kumbiní ámbos partido.

Mester bisa ku e tres sindikatonan aki ayera a konta ku sosten di diferente otro sindikato, kual sigur ta un bon señal den nan lucha.

Tambe a bini dilanti di parti di Amado Vilchez ku keda sin bini i duna sosten na e lucha aki, no ta un opshon, paso bo ta manda un señal ku bo ta di akuerdo ku loke tin. E ta splika ku awor mester lanta for di e soño letargiko ku bo ta aden pa buska bo derecho, paso ora bo kas falta e depchi pa bo kumpra e pan niun hende no ta yuda bo. E pan ta den bon man aworakí, bo kier pa nan kit’é?, asina Vilchez a puntra e miembronan ayera.

señor Juliana a splika ku nan tabatin enkuentro ku minister di hustisia i ku ministernan ta bezig ku algu kaminda miembro por skohe, pero no tin nada konkreto ainda. E ta bisa ku e debenan di kada ken ta mara na su bezoldeging i si bo mishi ku su bezoldeging bo ta hinka e persona den un problema grandi. E tambe ta bisa ku tur kos mester bini CGOA i ku minister di hustisia mes a bisa ku tur kos mester bini den kuadro di Lei i e lei ta CGOA. Si bo no bini CGOA, minister Konket bo ta den problema grandi, gobièrnu bo ta den problema grandi. Promé ku pasa e lei mester bini CGOA, asina señor Juliana a splika ayera.

Di parti di ABVO señor Suarez a bisa ku tin un dokumento ku a keda traha i ku lo bai keda presentá pa haña aprobashon kaminda e miembro por skohe kaminda ku e kier pa kita. E miembronan a keda ripití ayera ku no ta bai kita niun kaminda i esaki ta e mandato tambe ku a duna na e sindikatonan. E dokumentu ta pa duna oportunidat kaminda bo ke pa nan kita e 12,5%. Trahadónan ta bisa ku no tin kaminda pa kita.

Basta ta e miembronan di kuerpo polisial Kòrsou ku tabata presente ayera pa tende ku ta bai ofresé nan pa nan mes disidí kon kier pa kita e 12,5% for di nan.
Sigur e presensia di miembronan di Kuerpo Polisial tabata bastante.


Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.