Back to Top
Responsive image
E korant di pueblo

Prezu ku a bin foi Aruba tambe mester bai Karentena


May 29, 2020 • 4 minüt pa lesa

Willemstad— E prezu J. Nivellac ku tabata sera na Aruba  a keda transportá  bek pa Kòrsou i awor e tambe tin ku bai pasa den e 14 dia di Karentena.

Djarason den oranan di atardi e tim di aresto a subi plataforma na Hato ku nan vehíkulonan pa asina por a tuma un detenido ku a kaba di yega Kòrsou. Ta trata di e detenido J. Nivellac ku a keda detené den e kaso di asesinato na altura di Bakkerij De Zon pero despues e akusashon di asesinato a ser kita kontra di dje. Na final e la keda ku solamente e akusashon di poseshon di arma di kandela mirando ku e mes a deklará ku dia di e asesinato e  tabata den poseshon di un arma di kandela. Debí ku e la duna un deklarashon den e kaso di asesinato a traslad’é pa Aruba pa su propio seguridat.

Djarason riba e buelo di Jet Air e detenido aki a wòrdu trasladá bek pa Kòrsou. Debí ku tin e regla ku tur hende ku bini for di eksterior mester bai den Karentena a laga ser’é su so den un sel den blòk 1 . Esaki a pone ku e prezunan den blòk 1 no a keda niun kontentu ku un detenido ku a kaba di bini netamente for di Aruba unda tabatin un kantidat di hende ku a wòrdu kontaminá pa e Corona vírus, awor ta wòrdu sera huntu ku nan.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.