Back to Top
Responsive image
E korant di pueblo

Pronto: Stadion Ergilio Hato sitio nobo pa bakuná


April 4, 2021 • 1 minüt pa lesa

Brievengat– Gobièrnu di Kòrsou pronto ta bai intensivá e proseso di bakunashon.

E tim kordinadó pa yega na un bakunashon nashonal, ta bai haña tur koperashon di Hulanda pa mas pronto posibel logra yega na un porsentahe mas haltu di e poblashon bakuná.

Durante wiként e desishon a kai pa utilisá stadion Ergilio Hato komo un sentro pa bakunashon nashonal. Hulanda ta bai duna tur koperashon pa manda tur asistensha pa logra esaki.

Manera ya publiká den Vigilante, e siman aki Hulanda ta manda 20 mèdiko, kual 10 lo ta pa CMC i 10 pa duna asistensha na e proseso di bakunashon. E meta ta pa kuminsá yega entre 5 pa7 mil bakunashon diario. Vigilante a drenta den kontakto ku minister Zita Leito, kende no tabata alkansabel.



Login