Back to Top
Vigilante banner image

Registrá e siman aki pa yudansa di Krus Kòrá fase 2


November 25, 2020 • 1 minüt pa lesa

Suffisant– E di dos fase di yudansa humanitario kordiná pa Krus Kòrá Kòrsou ta kanando. Krus Kòrá a amplia e kriterionan pa personanan ku ta bini na remarke pa e yudansa. Ya kaba a hasi tur preparashon huntu ku Unidat di Bario pa garantisá ku e yudansa ta yega kaminda e ta mas nesesario.

E grupo di hende ku ya kaba tin E-karchi di Krus Kòrá mester aktualisá nan datonan. Tin hendenan ku a bai biba afó, imigrantenan ku a bai nan pais bèk i otronan ku a haña trabou, pues pa tur e motibunan aki ta sumamente importante pa aktualisá nan datonan. Esaki ta mará na un ‘deadline’ si. E siman aki di 23 pa 27 di novèmber tur esnan ku ke bini na remarke pa e yudansa humanitario mester bai na nan sentro di bario.

Kada bario tin nan dia ku nan ta registrá i p’esei ta importante pa chèk informashon ofisial di kada bario. Kòrda ku ta solamente hendenan mayor di edat por bini na remarke pa e yudansa i tambe ta konta otro kriterionan manera si ta persona desabilitá, mama en espera òf ku yu resien nasí, hende sin ningun entrada etc. Ta bario nan so ta atendé e registrashon aki, por fabor no yama Krus Kòrá pasobra lo no por tuma e informashon. Krus Kòrá ta hasi un apelashon na tur esnan ku ta bai registrá pa kòrda tene distansia, usa tapaboka tur momentu i asina yuda kuida bo mes i bo próhimo.

Login