A bai e restorant riba Winston Churchillweg unda a bin topa ku algun kliente hungando dominó sin a registrá.

Willemstad— Ayera den oranan di anochi e tim di kontròl a sali kaya pa asina kontrolá e reglanan ku a wòrdu stipulá enkonekshon ku bishita di klientenan den e establesimentunan debí na Covid.

Un di e negoshinan ku a risibí e kontròl na e restorant di chines Tien Sing situá riba Winston Churchillweg. Na yegada di e tim di kontròl a bin topa ku algun kliente sinta ta disfrutá di un wega di dominó. E tim di kontròl a ripara ku e negoshi no tabatin e lista pone pa asina kada kliente ku ta di bishita den establesimentu por registrá. Esaki a pone na konosementu di e gerensia pa nan por kumpli kuné.