Back to Top
Responsive image
E korant di pueblo

Rhuggenaath: Coronavírùs ta pió ku un orkan ku a pasa riba bo pais


April 8, 2020 • 1 minüt pa lesa

Willemstad,– Parlamento di Kòrsou ayera a tene su promé reunion virtual kaminda entre otro tabatin Presentashon di Minister di Asuntunan General relashoná ku un fondo di urgensia i ku a ser trata tambe mesora huntu ku e punto di agènda number dos ku tabata Deliberashon Minister di Asuntu General i Minister di Finansa relashoná ku sosten nesesario pa esnan ku ta sufri konsekuensia di medidanan relashoná ku e pandemia di COVID-19.

Minister di asuntunan general señor Eugene Rhuggenaath a bisa ku e krísis aki ta unu relatá na un vírùs ku ta invisibel i esaki ta tuma mas esfuerso di nos pa konfrontá e vírùs aki, paso bo no ta mira e daño ku e ta kousa pero si nos a kuminsá mira si e konsekuenshanan di esaki. E ta splika ku esaki ta mas pió ku un orkan ku pasa riba bo pais. Señor promé minister ta bisa ku Kòrsou por ta orguyoso maske ku Corona vírùs a kambia nos bida di un dia pa otro, ku nos a sa di tuma prekoushon hopi lihé i evitá ku e vírùs a plama den nos komunidat.

E ta bisa ku segun sifranan ku a bin ta haña tur dia, nos tin’e dominá, pero mester keda mantené distansia sosial ets. Pues mester sigui mantené e medidanan. Minister a bisa ku e komishon ‘noodfonds’ lo duna un presentashon di e trabou ku nan a hasi i tambe e manera ku nan a hasi esaki. Tambe nan lo presentá un pakete ku nan a prepará pa un sosten na doñonan di trabou direkto òf indirekto na esnan ku ta traha riba nan mes.
E ta bisa ku e hendenan aki ta hasi diferente trabou pa kria nan famia.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.