Back to Top
Responsive image
E korant di pueblo

Rutte: entrante 1 yüli eventonan posibel ku distansia


June 25, 2020 • 2 minüt pa lesa

DEN HAAG—Entrante 1 yüli por organisá eventonan públiko basta kumpli ku regla di distansia sosial, segun premier Mark Rutte.

Durante e konferensia di prensa Rutte a menshoná e de-eskalashon i medidanan adishonal. Ta trata di konsehonan di Outbreak Management Team (OMT) ku gabinete a implementá. Si públiko mantené e distansia di 1,5 meter, lo no tin máksimo pa bishitantenan di eventonan entrante 1 yüli. Kondishon ta ku partisipantenan mester informá delantá (triage) si nan tin síntomanan di covid-19. Pa eventonan sin triage si ta konta un límite, ku ta máksimo 100 persona paden i máksimo 250 den aire liber. Pa tur evento reservashon ta keda obligatorio. Aktualmente un máksimo di 30 persona por bai sine, misa òf teater.

E intenshon ta pa subi esaki te 100 posiblemente mas otro siman. Pa eventonan den aire liber esaki lo ninifká ku por organisá festival i kabaito. Pa eventonan grandi esaki ta dependé si un munisipio duna permit. Organisadónan mester mustra promé ku nan ta kumpli ku kondishonnan di corona. Segun fuentenan no ta e intenshon pa organisá mésora festivalnan grandi. Un konsierto den un parke si lo por. For di 1 septèmber públiko por bai wak weganan deportivo bou di kondishonnan. E distansia sosial ta konta for di entrada te salida.

Mas aleu a tuma desishon ku for di otro siman ta habri skolnan di deporte, kasino i sauna. Klupnan nokturno i diskotekanan ta keda sera, komienso di septèmber gabinete lo tuma desishon riba esaki. Skolnan sekundario por habri kompletamente despues di vakashon ku medidanan di higiena. Tur stul den transporte públiko por keda okupá. Ademas mondkapje ta keda obligatorio. Entretantu RIVM a mèldu 2 morto di corona pa un total di 6.097 i 6 pashènt mas pa un total di 11.859. Un kantidat di 83 persona a tèst positivo pa corona pa un total di 49.804 kaso.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.