Back to Top
Responsive image
E korant di pueblo

Segun famia a usa angua inkorekto pa ópera un pashènt na CMC


May 22, 2020 • 2 minüt pa lesa

E parti di mandamentu leu a  bai robes:

WILLEMSTAD—Famia Thomson ta realmente hopi indigná pa e trato ku nan ser kerí a risibí 20 di mei na CMC.   Ta asina ku nan a pone redakshon di Vigilante na altura dje echo ku 20 di  mei Charlone Thomson mester a hasi operashon na su pòls.

Pa nan tur kos a bai robes for di momentu ku nan a pasa Charlone Thomson angua pa mand’é leu. Nos a kombersá ku Charlotte Thomson kende ta yu muhé dje víktima di mal práktika. E la duna di konosé na Vigilante ku e anestetioloog ( di kual Vigilante tin su nòmber) a pasa angua inkorekto na garganta di su tata.  Mi  tata a ópera di su man pòls  links kual e tin un plancha na su pòls i e skrufnan a los, esei a pone ku e mester a ópera.  P’ami e dòkter ku a pasa  e angua inkorekto ta e anestetioloog, e yu a sigui splika mas aleu.   E trato na CMC tabata fatal. E operashon pió, di akuerdo ku Charlotte Thomson.  E la wòrdu  ópera dor di  Dr Booi. Tabata un otro dòkter ku  a pasa verdoofmiddel  na su garganta  pa dof su man, segun Charlotte Thomson. E mes un momento e man a  bula hasi moveshon nan straño. Despues Dr Booi a kuminsá ku e operashon pa ópera mi tata su man.  Wel, mi tata a sinti  e operashon di su man bibu ora e dòkter a yega na skruf ei. Mi tata no por a wanta mas doló lugá kos robes  nan   a hasi. E angua ku  a wòrdu pasa na su garganta no a yuda dof e man dus nan a bolbe hinka dosis pa mi tata bai leu mes. E ora ei, mi tata a keda ku trauma.  Ora la kaba di ópera niun zùster no a yud’é bisti paña. Egt mané un kachó e la wòrdu trata. Operashon malisimo. Trato malisimo i inhumano. Siii hopi laf, loke a pasa mi tata. Inkreibel kon e kosnan aki ta pasa na Kòrsou. Ora e la bisami e kos aki mi di wau.  Asina tin hopi kaso nan ta pasando i hopi hende ta keda ketu.   Mi sa ku tin hopi mas kaso pero mi kier hasi algu  tokante loke a pasa ku mi tata, tabata e palabranan di e yu muhé Charlotte Thomson.  Mas aleu e la sigui splika Vigilante ku el a komprondé ku kosnan ta hopi ferfelu i pa covid 19 niun zùster no ta tei pa yuda su tata despues di operashon pa e bisti. E ta konsiderá e parti aki tambe un negligensha. Den kuadro di loke nan ku a sosodé e la indiká na nos ku loke nan ta bai hasi ta entrega un keho ofisial na Inspekshon di Salubridat ku ta ser manehá pa dr Servin Kelie. Komo famia, nan no por kaba di komprondé kon por a trata Charlone Thomson dje forma aki. Pa nan tipo di fayonan asina aki no mag di sosodé na un hospital. Ofisialmente nan lo entrega nan keho na e Inspekshon di Salubridat pa di ei sigui kana nan kaminda, paso loke a sosodé ta inaseptabel den tur sentido di palabra, konforme e loke ku nan a partisipá Vigilante di dje.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.