Back to Top
Vigilante banner image

Shariëngela Cijntje Miss Universo Curaçao 2021


July 26, 2021 • 1 minüt pa lesa

WILLEMSTAD,—Djasabra tras di lomba tabatin e sertámen máksimo di beyesa na Kòrsou. Ta trata aki di e sertámen di Miss Universo Curaçao 2021, kual a tuma lugá na Marriott Beach Resort, kaminda ku 8 beyesa a partisipá na dicho sertámen.

T’asina ku e sertámen menshoná a hala bastante atenshon djasabra tras di lomba, unda ku tur e 8 partisipantenan tabata faborito pa gana e sertámen. Pero manera semper den tur sertámen ta un ganadó so por tin.

Mas aleu t’asina ku kada un di e partisipantenan tabata bon prepará i esaki a pone ku mester a warda te na final pa asina tende kua di e partisipantenan lo bai keda Korona komo “Miss Universo Curaçao 2021”. Pa loke ta trata e resultado final, e di dos finalista a bai pa Giuvienka Seraus, promé finalista a bai pa Alexandra Atalita i Miss Universo Curaçao 202, a resultá di ta Shariëngela Cijntje.

T’asina ku práktikamente tur hende a biba ku e sertámen, a bai di akuerdo ku e resultado. Un sertámen ku sigur tabata riba un nivel hopi haltu. Pues for di djasabra tras di lomba Kòrsou tin su Miss Universo Curaçao, ku ta Shariëngela Cijntje. Un pabien ta bai na tur e 8 partisipantenan, boso tur a demostrá ku mundu di beyesa mester bai tene kuenta ku Kòrsou i ku Kòrsou ta na kaminda pa hasi historia.

Login