Back to Top
Vigilante banner image

Sifranan di CBS ta real


February 23, 2021 • 2 minüt pa lesa

Willemstad,– Ayera tardi CBS a tene un rueda di prensa kaminda nan a presentá informashonnan tokante oferta riba nos merkado laboral kaminda ku señor Sean de Boer a splika ku bou di oferta mester komprondé tur loke tin di haber ku empleo. Pues señora Dainadira Eustatius Martis a hasi e presentashon di e parti tékniko paso e ta e eksperto ku a traha riba e informashon.

Den un komunidat ta sumamente importante pa nos para ketu ku tata ofisial, tata imparsial mester bini di un instansia konfiabel, anto e instansia aki ta reglá pa lei pa ta esun ku ta presentá e informashon konfiabel aki. “Nos no ta spekulá, nos ta hasi investigashon korekto na e nivel ku e mester ta i na kalidat haltu, pues loke a keda presentá ayera no ta spekulashon, ta e sifranan real i un i tur ku ta hasi uso di e informashon aki mester hasi esaki di forma korekto”, asina Sean de Boer a splika ayera.

Covid-19 tabatin impakto grandi

Normal e ta mínimo 4500 persona i e resultado di e enkuesta aki tabata di 6500 persona, ora hasi 4500 tin un márgen di eror di 2%. Den e kaso aki a haña bon koperashon di kasnan di famia i ta kalkulá un márgen di eror di 1.2%.

Algun resultado importante for di Enkuesta forsa laboral 2020 ta:

-E total di personanan empleá a baha di 61,547 persona na 2019 te 57,050 persona na aña 2020. E bahada di kasi 4,500 persona ta e resultado di oferta i demanda riba e merkado laboral. E sifra aki ta duna e bista real di e impakto ku e desaroyonan ekonómiko riba nos isla, inkluyendo desaroyonan a konsekuensia di COVID-19, tabata tin entre òktober 2019 i òktober 2020.

-Tin un subida tambe di e total di persona ku aktivamente ta buskando trabou. Esaki a subi di 12,992 persona na aña 2019 pa 13,442 na aña 2020. Segun definishon internashonal ku CBS tin ku usa pa por kompará sifranan di Kòrsou ku otro pais, por kalifiká un persona komo unu ku ta buska trabou solamente si e persona ta buskando aktivamente (solisitando) i lo por kuminsá denter di 2 siman si e haña un trabou. Pa e motibu ei ta mira un subida leve den e kantidat di persona ku ta buskando trabou, kontrali na loke a spera.

-Por lo tantu, e sifra di desempleo a subi na aña 2020 bira 19.1% kompará ku 17.4% di aña 2019.

-Partisipashon laboral na Kòrsou, ku ta e parti di poblashon empleá i esun ku ta buskando trabou aktivamente, a baha di 74.539 te 70.492 na aña 2020. Esei ta un bahada di 4.047 persona. Si nos mira esaki komo parti di e poblashon di 15 aña bai ariba, nos ta mira ku partisipashon a baha di 59.7% na 2019 pa 56.4% na 2020.

Login