Back to Top
Responsive image
E korant di pueblo

Ta na mas ku un okashon kaba polis ta involukrá den kaso trafikashon hende


May 23, 2020 • 1 minüt pa lesa

WILLEMSTAD,— Ya na mas ku un okashon kaba prensa a bin ta nota ku miembro di kuerpo polisial ta involukrá den kaso di trafikashon di hende. Aña pasá a trata un kaso penal kontra un polis, ku lo tabata bishita un bar, kual tabata asta sospechá ku e tabatin relashon amoroso ku un di e dama nan ku a bin resultá di ta ilegal riba nos pais.

Den e kaso aki e miembro di kuerpo polisial lo tabata informá e empresario na ki momentu ta yega na su negoshi pa por tira kòntròl. E polis aki a keda kondená na 1 aña di prizòn pa faya ku su trabou i involukrá su mes den trafikashon di hende. Den e kaso aktual, esta e kaso unda un reshèrshi ta involukrá, a bin dilanti ku e reshèrshi su responsabilidat lo ta mas grandi ku e polis ku tabata dilanti wes aña pasá.

Ta sospechá J.A. di tabata sa ku tin ilegal ta traha den Crazy Pizza kual e huntu ku su kasá lo mester ta doño di e negoshi. No ta konosí kuantu prueba Ministerio Públiko tin kontra e reshèrshi, pero loke si tin ku añadí ku den kasonan manera esaki sa pidi kastigu basta serio pa e empresarionan. Tin ku añadí ku den e kaso aki no ta papia di tragomeisjes pero si e akusashon di trafikashon di hende ta den e dagfar.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.