Buena Vista — Autobusbedrijf Curaçao (ABC) ta informá ku entrante 1 di febrüari 2021 tarifanan di konvoi lo subi ku 0.30 sèn.

Pa persona nan ku ta 65 plùs ku SmartPass tambe e tarifa a keda adaptá, nan lo risibí 0,25 sèn deskuento riba e tarifanan nobo. Un persona ku edat di 65+ i ku no tin SmartPass ta paga e tarifa sin deskuento.  Manera ya no ta un sekreto, ABC a bin ta enfrentá retonan finansiero for di aña 2019 i den aña 2020 un bahada èkstra di 40% okashoná dor di COVID -19. Pa e motibu aki a aserka Gobièrnu di Kòrsou ku e petishon pa subida di tarifa di transporte i tambe sosten finansiero pa yuda kubri ku e pèrdida di entrada, pa asina ABC por mantené e posishon komo kompania di Transporte Públiko.

Entrante e fecha ariba menshoná e tarifanan di konvoi NOBO lo ta lo siguiente: Lo pone e preis nan di preis bieu i kon e preis nobo a bira i tambe e ruta.

Ruta                       Preis Anterior                   Preis Nobo

• Bándabou           FL. 2.20                                 FL. 2.50
• Lagun                  Fl. 2.20                                  Fl. 2.50
• Westpunt            Fl. 2.20                                  Fl. 2.50
• Tera Kòrá            Fl. 2.20                                  Fl. 2.50
• Tur otro ruta      Fl. 1.70                                  Fl. 2.00

Tarifanan NOBO pa 65+ ku SmartPass lo ta lo siguiente:

Ruta                       Preis Anterior                   Preis Nobo

• Bándabou           FL. 1.50                                 FL. 2.25
• Lagun                   Fl. 1.50                                  Fl. 2.25
• Westpunt            Fl. 1.50                                  Fl. 2.25
• Tera Kòrá             Fl. 1.50                                  Fl. 2.25
• Tur otro ruta      Fl. 1.50                                  Fl. 1.75

E tarifanan ariba menshoná ta konta pa entrada riba tur konvoi di Autobusbedrijf Curaçao pa pasaheronan kuminsando for di 2 aña di edat.