Back to Top
Responsive image
E korant di pueblo

Temblor leve na St. Maarten


May 4, 2021 • 1 minüt pa lesa

Marigot—Diferente siudadano di e kapital na parti franses na St. Maarten, Marigot, a konfirmá di a sinti un temblor den oranan di mardugá 4 di mei. E notisia alabes a keda konfirmá pa e wepsait Volcano Discovery unda a revelá e efektonan 2.4 km nort west di Lower Prince’s Quarter, St. Maarten.

Periodista Gromiko Wilson, alrededor di kuartu pa kuater mardugá tambe a post riba su facebook “EQ After Shock 3:19 am”. Diferente siudadano dje isla a konfirmá e notisia via di e facebook alegando di a sinti e temblor den oranan di mardugá. Elizabeth Augusta Denton a bisa di tabata lantá na momento el a sinti e temblor bou di su pianan. Segun Elaine la Ville e temblor tabata basta fuerte i ku zonido. Daniel Hanson tambe a bisa meskos i ta teme ku por tin mas ta biniendo. Diferente otro siudadano a sigui konfirmando i hasta tin a bisa ku esun aki tabata mas fuerte ku esun anterior. Aparentemente, mas tempran, algun ora promé tabatin unu mas. Leatica Lw a bisa ku el a sinti unu mas promé kasi 2’or di mardugá.

Ta sospecha e área di impakto entre Lower Prince’s Quarter na fontera di parti hulandes e Marigot ku ta e kapital na parti franses dje isla. E promé impakto no ta konosí unda esaki lo tabatin efekto.



Login