Back to Top
Responsive image
E korant di pueblo

“The Gunners” a baha preis di Aubameyang


April 8, 2020 • 1 minüt pa lesa

LONDON, — Arsenal a baha e preis di PierreEmerick Aubameyang konsiderablemente kompará ku loke e tabata pidi anteriormente.

E plantel di Londen tin sufisiente ku si nan risibí 35 mion euro pa esun aña di kontrakt ku a sobra dje delantero.

Vários ekipo interesá
Algun dia atras a keda publiká ku Real Madrid a meskla nan mes den e lucha pa asina trata na kontratá Aubameyang. Real manera tur kos ta indiká ta dispuesto pa hinka e hungadó di hür pa nan Dani Ceballos, tambe den e deal kontal nan haña e servsionan dje spits di Arsenal.

Aubameyang (30 aña) no ta nada fásil pa kontratá ya ku e ta e strea di Arsenal, i ekipo londinense no den moda di pèrdè ningun di su “cracknan” aktualmente. E delantero te ku awor no a firma prolongashon di kontrakt ku ekipo di Arsenal manera e ekipo último aki tabata deseá. Aubemayang a wanta ku kuenta di firmamentu di kontrakt un ratu pasá, tur esaki debí ku e tin speransa ku e lo por haña un transferensia pa ekipo di FC Barcelona. E delantero su salario ku e ta eksigí lo por ta un dilema tambe
pa por prolongá su kontrakt ku ekipo di Arsenal.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.