Back to Top
Responsive image
E korant di pueblo

Tin un paso ku nos no a tuma i esei ta e pandemia ku a presentá


June 24, 2020 • 1 minüt pa lesa

Willemstad,– Señor Marcelino “Chonki’ De Lanooi  a splika ku awor por wak bèk ku a tuma diferente paso pa yega na e momentu ku nos ta akinan. E ta splika ku tin un paso so ku nos no a tuma i esei ta e pandemia ku a presentá.

Chonki ta splika ku 22 Desèmber 2019 a firma akuerdo ku KLESCH, promé ku esei i tambe despues nan tabata den negoshashon ku PDVSA, paso tabata konosí ku KLESCH lo no por a tuma over promé yanüari.

E ta bisa PdVSA no por a keda apesar ku a negoshá ku nan i tabata akinan ku RdK a tuma e refineria over pa seis luna. Pero tabata kore speransa ku aprel lo a pasa tur kos over pa KLESCH. E ta bisa ku a prepará tur kos, tur kontrakt, pero mas importante ku tur kos ta e lokual mester kumbiní di medio ambiente. A kuminsá traha riba e normanan ku e operadó nobo lo mester kumpli kuné pues mas moderno.

Na e momentunan aki e status di negoshashon ku KLESCH tin su puntonan kaminda señor De Lanooi a bisa ku nan tin riba agènda un kompromiso pa fecha di klousura i tambe el a bisa ku akuerdo ku gobièrnu (Government agreement, impuesto, medio ambiente etc) mester keda atendé. Tambe ta riba mesa e akuerdonan sekundario huntu ku tambe akuerdo laboral kolektivo.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.