Back to Top
Responsive image
E korant di pueblo

Tremendo kampaña di fin di aña na Van den Tweel Supermarket


December 1, 2020 • 1 minüt pa lesa

Un aña largu di kompras grátis pa un di e klientenan i un fundashon


Zelandia–Riba djaluna 30 di novèmber Van Den Tweel a start ku nan kampaña di fin di aña, kaminda e ganadó ta gana un aña largu di kompras grátis. Ademas e ganadó por skohe un organisashon karitativo ku tambe ta gana un aña largu di kompras grátis.

Na kompra di kada NAf. 75 òf na kompra di un di e produktonan di e siguiente ekselente markanan: Sprite, Coca Cola No Sugar, CurAloe, Nabisco, Noel, Heineken, Heineken 0.0, San Pellegrino, Barefoot, Ponche Caribe, Bacardi i Saint-Louis, e kliente ta risibí un lòt. Miembronan di Fun Miles ta risibí hasta dòbel e kantidat di lòt.

Riba djaluna  4 di yanüari lo anunsiá e finalistanan i riba djasabra 9 di yanüari e 10 finalistanan lo bai kompetí ku otro pa e premio mayó. Naturalmente niun hende no ta bai kas man bashí; e otro 9 personanan ta bai kas ku premionan masha great mes manera aparato elektrodoméstiko di Multimart, i hopi otro mas. Klientenan por partisipá kuantu ku nan ta deseá. Mas kada ken gasta òf kumpra, mas grandi e chèns di gana!

Nos ta orguyoso di por sera e aña akí tambe na un manera fantástiko asin’aki i hasi otronan felis. Durante e simannan binidero nos ta anhelá di por sirbi nos klientenan ku nos produktonan di kalidat inklusivo un kandidat grandi di produkto spesial pa e dianan di fiesta.

Login