Back to Top
Responsive image
E korant di pueblo

Tur yu di Kòrsou na Venezuela lo bai ta na Caracas riba gastu di gobièrnu


May 23, 2020 • 1 minüt pa lesa

Willemstad,– Pa loke ta e situashon aktual na Venezuela, minister Zota Jesus Leito a splika Vigilante ku gobièrnu di Venezuela a disidí ku ta bai kita Internèt i tur konekshon riba e pais i esaki a pone ku mesora gobièrnu di Kòrsou a kuminsá mobilisá pa aktua den kuadro di e posibilidatnan ku ta posibel.

El a splika Vigilante ku na e momentunan aki nan a kuminsá pa wak kon ta buska tur e yunan di Kòrsou pa hiba nan Caracas ku konvoi  di manera ku nan tur keda huntu den e mesun hotèl kual porsierto gobièrnu di Kòrsou ta bai kubri e gastunan. El a splika nos ku gobièrnu a hasi esaki, mirando e echo ku aparentemente gobièrnu di Venezuela a bisa ku no ta bai pèrmití ningun avion sali for di Venezuela ku no ta for di Caracas.

Tambe minister a bisa ku na e momentunan aki gobièrnu di Kòrsou tin registrá ku tin 54 residente di Kòrsou ku ta pegá na Venezuela.

“Nos tambe ke pa nan bini pa ta huntu ku nan famia, nos tambe tin pena, nos tambe ta sinti pa nan, pero den e kaso aki ta Venezuela mester duna outorisashon pa avion bai buska nan”, asina minister Zita Jesus :Leito a bisa na Vigilante. Ademas el a bisa nos ku na Sint Eustatius tambe tin mesun problema i ku ta riba e dos nan aki gobièrnu di Kòrsou ta konsentrando mas tantu, pero lógiko tambe sin kita atenshon pa e sobránan ku ta pega na otro partinan.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.