Back to Top
Vigilante banner image

Twitter ta sigui suspendé akountnan di siguidónan di Trump


January 26, 2021 • 1 minüt pa lesa

Washinton DC,– Despues ku Twitter a suspendé e akount di Donald Trump permanente, awor Twitter a disidí di suspendé e akount di Mike Lindell. Esaki ta despues ku Twitter a atvertí Lindell riba diferente momento ku e ta kibra e ret sosial su reglanan tokante informashon falsu den polítika.

Lindell kual ta un siguidó fiel di Trump, a finansiá pa manifestashon nan por tuma lugá pa demonstrá nan desgustu kontra di e presidente nobo Joe Biden. Segun Twitter, Lindell kual tabata tin 500.000 siguidó riba e plataforma sosial tabata publiká informashon falsu tokante froude den e elekshon di merka ku a tuma lugá den 2020.

Korte Merikano a dikta ku e informashon nan ku Lindell tabata publiká no tabata tin base, pues ta informashon falsu e tabata publiká. I den e kaso aki, e daño a wòrdu okashoná kaba.

Lindell ta direktor di e kompania ku el a funda MyPillow kual ta konosí di bende kusinchi di kalidat haltu. Despues ku Trump a bira presidente Lindell a kuminsá hinka mas energia den e mundu polítiko i asina Lindell a bira un siguidó fiel di Donald Trump.

Twitter a blòkia 70.000 akount riba su plataforma despues di a tuma nota ku nan tin un problema grandi ku informashon falsu.

Login