WILLEMSTAD—Den informashon risibí ayera den oranan lat di anochi, na momentu ku tabata siguiendo e parti final di e partido amistoso entre Guatemala i Puerto Rico, Deporte Vigilante a keda pone na altura ku e duo formá pa e 2 amigunan Henry Caldera i Raymond ‘Emo’ Schotborg, lo bai ta parti di e kuerpo tékniko di e barika helnan di Kintjan S.U.B.T. próksimamente.
Kisas debí na e orario, no a logra haña Henry i tampoko ‘Emo’, pa e konfirmashon, pero si nos informante ku no sa faya, a indiká ku esaki a keda konfirmá durante di un reunion ku tabatin, unda Caldera tabata na mesa ku un trio den representashon di e ekipo.
Aki, entre otro lo a akordá ku e duo lo djòin e ekipo di Kintjan si, pero despues ku ya temporada inisiá. Pues ta e intenshon pa na kaminda abordá e train.