Niun empresario no por obligá nan trahadó nan di bai hasi tèst promé ku bai traha òf obligá nan di bai traha ounke nan ta malu.

Willemstad— Segun Dr. Izzy Gerstenbluth niun empresario no por obligá su trahadó nan pa bai hasi un tèst promé ku bai traha.

Segun dr. Izzy e empresario no por hasi esaki paso esaki ta algu ku ta kai bou di un dòkter òf un spesialista ta ordená esaki I no un empresario. E empresario no por obligá e trahadónan pa hasi e tèst aki. Niun empresario no ta GGD i tin yen kos ku ta pasa ku no ta klòp, nan a duna e impreshon di ku sibo a tèst negativo e ora ei tur kos ta bon bin trabou numa. Anto e kerensia aki no ta bon, ta hasi esaki tambe alkontrario nan ta bisa si no por keda den kuarentena sino bo ta pèrdè bo trabou.

Kiermen ta menasa trahadónan ku si nan no tene nan mes na e reglanan ku GGD si ta pidi pa nan tene nan mes na dje e ora ei nan ta bai pèrdè trabou. E kosnan ku ta pasando no ta bon tin tambe ku nan mes ta bai tèst hende. Esaki ta ku nan mes ta kumpra e antigeen tèst pa asina tèst hende. No sa si esaki ta wòrdu hasi di un manera seif i no sa kua informashon ta duna e persona nan aki na momentu ku nan kaba di tèst, nosa ki tipo di informashon ta wòrdu duna si ta esun korekto òf no.

E informashon aki no ta wòrdu pasa na GGD tampoko anto porta esei tambe tin efekto riba e sifranan ku ta mustra. Paso porta mas hende a wòrdu di tèst i porta mas hende ta positivo, por tin mas hende ku no ta bai laboratorio nan ku nan mester bai via di nan dòkter di kas i e ta keda sin mèldu una GGD. Esaki ta hasié mas difísil ainda pa por tene bista di kiko ta pasando nos populashon, pa asina por duna komunidat informashon konkreto i nadrechi.

Pues tur e kosnan ku ta pasa aki hasimentu di tèst paloko sin ku sa kiko bo ta bezig kune, tilde hende òf menasa hende ku nan ta pèrdè nan trabou si nan no bin traha òf menasa e hende nan ku nan lo no por bai traha si nan no wòrdu di tèst. E kosnan aki niun no tin sentido, si tene un persona den isolashon ta paso e la tèst positivo. Sa kaba ku tur hende despues di mas o ménos 12 dia ba kita e vírùs for di bo kurpa, ta asta posibel ku bo ta tèst ku un PCR- tèst anto e ta keda positivo. Esaki paso e PCR ta dirigí riba midimentu di informashon genétiko no riba e vírùs mes, e informashon genétiko por keda basta dia den bo kurpa pero esei no kemen kubo ta infeksioso.