Back to Top
Responsive image
E korant di pueblo

Wes a indiká ku e sa ku kada 1 dia ta 1 den prizòn pero e kaso mester di un solushon


June 30, 2020 • 1 minüt pa lesa

WILLEMSTAD,—- Den e kaso kontra Liyandel A. wes a indiká na dje ku e tin algun luna será kaba, pero tin ku bai hasi investigashon ku ta na su benefisio i no por kore rísiko di lag’é liber mirando ku e mester di su remedi nan. Wes a indiká na e sospechoso ku e sa ku kada un dia den prizòn ta unu pero den e kaso aki mester hasi investigashon pa por yega na un solushon.

Wes mr. Edelenbos ayera splika e hòmber Liyandel ku e informashonnan ku falta pa ku e kaso ta sumamente importante i ku netamente pa esaki mester posponé e kaso pa un otro fecha, pa asina e kaso terminá di e forma korekto, esta ku un solushon pa ku su inyekshon di remedi pa e keda kalmu. Wes mr. Edelenbos a indiká ku e no kier pa algu manera esaki pasa mas, esta ku e trahadó nan ku ta pasa pa inyektá e sospechoso mester keda ku miedu di por dun’é servisio.

Pa esaki ta bai buska un solushon kual lo kier laga un tanta di e  sospechoso ku ta traha na CMC inyekt’é pa evitá un ke otro. A bin dilanti ku Liyandel mester di e inyekshon pa por ta trankil i netamente pa esaki mester buska un solushon pa tòg e haña esaki, mirando ku haña e no por keda sin haña inyekshon. Pa esaki wes mester a splik’é ku e mester tin un tiki pasenshi pa e kaso haña un solushon, miéntras e mester keda será pendiente pa e fecha 24 yüli 2020.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.