Back to Top
Responsive image
E korant di pueblo

Whatsapp ta publiká ku bo data ta seif ku nan


January 12, 2021 • 1 minüt pa lesa

California,– Riba e pagina ofisial di Whatsapp riba Facebook, e aplikashon a duna di konosé ku bo data ta seif riba tur dos plataforma. Whatsapp a publiká algun potrèt pa informá su usadónan kiko Whatsapp no ta bai hasi ku e data.

Whatsapp a duna di konosé ku ningun manera nan no por lesa ni wak ningun potrèt ku video ku ta skeiru riba nan plataforma. Tambe Whatsapp a bisa ku nan no ta kompartí ningun informashon di bo kontakto nan ku Facebook.

E potrètnan a wòrdu publiká despues ku Whatsapp a renobá nan términonan di uso. Segun e términonan aki, Whatsapp lo bai kuminsá kompartí data di su usadónan ku Facebook pa asina nan por brinda su usadónan un servisio mas mihó.

Remarkabel ta ku si akaso un usadó no ke pa Whatsapp kompartí e data ku Facebook, Whatsapp lo terminá e akount di e usadó mas tardá 8 di Febrüari 2021.

Whatsapp ke kuminsá kompartí e data ku Facebook pa asina nan por progresá den e área di komersio online. Segun e kompania nan, un usadó lo por hèndel tur e aspekto di kompras online den e aplikashon di Whatsapp mes. I un usadó lo no mester subi riba e wèpsait apart di e tienda pa asina por kumpra kosnan online.

Siman pasá Whatsapp a risibí bastante kritiká despues ku nan a publiká ku nan lo términá bo akount si bo no ta di akuerdo ku e término nobonan. Oropa tin un lei di privasidat ku ta hasi e praktiká di Whatsapp ku Facebook ilegal.

Login