Back to Top
Responsive image
E korant di pueblo

Yudansa militar pa yuda restablese orden publiko


June 27, 2020 • 1 minüt pa lesa

Willemstad— Minister di defensa di Hulanda a bai di akuerdo pa asina husa militarnan aki na Kòrsou pa yuda Kurpo Polisial restablese e orden publiko bèk.

Tabata riba petishon di Pais Kòrsou ku Hulanda a bai di akuerdo pa e militarnan Hulandes stashona aki na Kòrsou yuda den e parti pa trata di restablese e orden publiko bèk i tambe pa yuda kuida i vigila partinan vital den nos komunidat. Tabata despues ku Hulanda tambe a tuma nota di e kantidat di desturbio ku a ser kometé riba nos Pais mesora nan a bai di akuerdo na momento ku Kòrsou a hasi un petishon pa nan pa asina e Militarnan tambe yuda. E parti mas ensensial ku a hasi e petishon di yudansa di e miltarnan tabata despues ku e partinan di sakeo i e tantisimo kandelanan ku a wordu sendé. For di den oranan di ayera tardi por a mira un desplegue basta formal di militarnan Hulandes na diferente parti di nos Pais. Nan a forma asta un barikada banda di edifisionan di Brantwer pa asina por vigila esakinan pa kualke ventialidat ku por surgi. Asina na diferente parti di e militarnan aki a harma nan post pa asina yuda trese e trankiliodat bèk.

Momento ku algun di nan a yega na e warda di bomberonan na Mundo Nobo.
Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.