Back to Top
Responsive image
E korant di pueblo

A hinka 2 persona ku sa ku nan tin problema ku otro den mesun sèl


June 29, 2020 • 2 minüt pa lesa

WILLEMSTAD,—- Korte ta pendiente pa trata e kaso di asesinato Bakkerij de Zon unda e víktima Francisca a bin pèrdè su bida 22 yüni aña pasá, despues ku a lòs diferente tiru riba dje. E hòmber Jerrel Nivillac, kende tin problema Sherwin Pieters, a keda transportá pa Kòrsou resientemente a keda butá den mesun sèl na SDKK. Tur esaki despues ku a manda Nivillac Aruba pa protekshon pa motibu ku tabatin problema ku tur sospechoso den e kaso asesinato.

Tabata den luna di yüni aña pasá ku a kita bida di e víktima na Rooi Santu, despues ku tabatin un otro asesinato aki na Kòrsou den bario di Kura Piedra. E kaso tabata unu ku a dura mas ku un aña pa keda tratá, debí ku ainda tin ku skucha testigunan ku ta di suma importansia pa e tratamentu den su kontenido.

Nivillac kende a kai será pa e kaso a indiká ku e no kier sinta kastigu pa loke e no a hasi pues pa esaki el a indiká ku e ta bai papia tur bèrdat pa e no keda será riba e asesinato. E la splika ku e no tin nada di aber ku e asesinato i ku ta ora ku el a bai for di e sitio lo a kita bida di e víktima. Manera e hòmber Nivillac a kuminsá deklará den e kaso, Ministerio Públiko a sake for di su sel pa bai hink’é den blòk 1, pa su protekshon.

Tabata despues ku a manda Nivillac Aruba, pa asina ei nan e ta mihó protehá. Resientemente Nivillac a keda transportá pa Kòrsou, nèt despues di Lockdown, kual na momentu ku el a yega Kòrsou lo a hink’é den mesun sèl ku e hòmber Sherwin Pieters, kende ta un di esnan ku Nivillac a deklará kontra dje. No a dura mashá ku a saka Nivillac for di e sèl pa but’é kaminda e ta mihó protehá den SDKK.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.