Back to Top
Responsive image
E korant di pueblo

Awe lo tuma lugá e seremonia ofisial di huramentashon


June 14, 2021 • 1 minüt pa lesa

PUNDA – awe djaluna 14 di jüni entre 12’or di merdia pa mitar di 1 lo tuma lugá den Palasio di Gobernadó  e seremonia ofisial di huramentashon.

E ministernan ku lo huramentá awe:

Gilmar Pisas: Promé minister i minister di asuntunan general i temporalmente e lo okupá tambe e puesto di minister di Hustisia.
Charles Cooper: Minister di VVRP
Javier Silvania: Minister di Finansa
Dorothy Janga: Minister di GMN
Sithree van Heydoorn: Minister di ESDK
Ruthmilda Larmonie: Minister SOAW i temporalmente lo okupá e kartera di Minister di Ekonomia
Ornelio Martina: Minister BPD

Na momentu ku nan huramentá komo minister mesora lo bini kambionan tambe den parlamento kaminda pa MFK lo drenta parlamento David Seferina, Amerigo Thode i Ramon Yung na lugá di Gilmar Pisas, Charles Cooper i Javier Silvania kendenan lo bira minister huntu ku Sithree van Heydoorn kende ta number 28 i Dorothy Janga ku e último elekshon tabata number 23 riba lista.

Pa PNP mirando ku e lider Ruthmilda Larmonie i e number dos Ornelio Martina lo bira minister, lo pèrmití pa huntu ku Sheldry Osepa i Gwendell Mercelina, tambe drenta parlamento señor Elvin Gerard i señora Corine Djaoen Genaro, miéntras ku e próksimo pa drenta dado kaso lo ta Ruisandro Cijntje.



Login