Schottegatweg– Den un komunikado di prensa di fechá 11 di Desèmber 2020, Refineria di Kòrsou (RdK) a informá komunidat ku a alargá ku un siman adishonal, e fecha di entrega di e proposishonnan obligatorio (“binding proposals”) pa e partidonan ku a keda riba e lista kòrtiku (“short list”) den e proseso di búskeda di un partner stratégiko pa nos fasilidatnan petrolero.
Willemstad- -Despues di a konfrontá un ‘black out’ djaluna 4 di yanüari den transkurso di 2’or pasá di atardi, Aqualectra a logra pa restablesé suministro di koriente pa Kòrsou kompletu alrededor di mitar di 9 di anochi. Gerensia ta lamentá ku apesar di a implementá diferente medida di prekoushon basá riba resultadonan i rekomendashonnan ku a sali for di e investigashonnan hasí despues di e seri di ‘black out’ ku a surgi na luna di desèmber último, no a logra pa evitá un siguiente ‘black out’.
Willemstad,– Direktor di Aqualectra señor Darick Jonis a bisa ayera ku un biaha mas Kòrsou a enkontra ku blackout for di 2’or di mèrdia i ku Aqualectra a bin ta bringa durante hinter mèrdia ku esaki i tabata den oranan di atardi ku a logra start e mashinnan.
DEN HAAG— E plan ta pa start bakunashon kontra corona medio febrüari riba nos islanan segun minister De Jonge.
Willemsgtad—Despues di a pasa e dianan di fiesta den seno di famia i pensa trankil atraves di kua medio mi por sigui sirbi pueblo di Kòrsou ku mas efektividat, mi ta anunsiá na komienso di aña 2021 ku orguyo ku mi ta afiliá mi mes na Partido Democraat. Mi ta konvensí ku tempu difísil ta […]
Koraalspecht—KPC ke duna su aporte prinsipalmentena nos hóbennan dor di konsientisá na pa evitá di kometé un krímen i kai den gara di hustisia.
Otrobanda– Durante e dia nan di fiesta departamentu di Emergensia a registrá 2 kaso di aksidente pa motibu di vürwèrk.
Punda— Área di Kenepa durante 2021 ta bai bira un tópiko serio di debate den komunidat i sírkulonan polítiko.
WILLEMSTAD,—-Aña 2021 a habri ku algun moveshon hopi interesante den e sektor farandulero. Di informashon risibí ta bisa ku e presentadó di notisia na Kanal 8 ku ta Sharifa Bashir, a bandoná kanal 8, t’asina ku djaweps siman pasá tabata su último dia di trabou.
Skalo— E tereno mas balioso na St. Maarten, Mullet Bay ta pendiente tratamentu den korte sivil na Kòrsou den kaso Ennia.