Back to Top
Responsive image
E korant di pueblo

Diskushon entre polítiko i su pareha ta sali foi man: detenshon ta kai


February 22, 2021 • 1 minüt pa lesa

Kaya Mikeas unda polis mester a bai pa maltrato i destrukshon.

Willemstad—- Djasabra 20 di febrüari 2021 alrededor di 22.55’or, polis a hasi dos detenshon den Kaya Mikeas.

Un pareha tabatin diskushon ku otro i e hòmber a maltratá e dama. E dama na su turno a kibra e glas di e pikòp di e hòmber.

Polis ku a yega na e sitio a detené e hòmber sospechoso A.C.M. di 29 aña di edat pa maltrato i e dama sospechoso M.G.L. di 23 aña di edat pa destrukshon. Tur dos ta nasé na Kòrsou.

A presentá e duo dilanti di un fiskal ouksiliar, ku a ordená su enkarselamentu pendiente di mas investigashon. A.C.M. ta riba lista di e partido Trabou pa Kòrsou.

Mesora e la wòrdu transportá pa warda.
E hòmber a keda detené pa maltrato.
Login