Back to Top
Responsive image
E korant di pueblo

Dr. Ashley Duits: Bakunanan ku nos ta bai haña ta dos tipo pero mesun modelo


January 13, 2021 • 2 minüt pa lesa

Willemstad,– Dòkter Ashely Duits a bisa durante rueda di prensa ku bakunanan ku nos ta bai haña ta dos tipo pero mesun modelo. E ta drenta den bo sélula i ta bai duna bo resistensia.

El a bisa ku e efektividat tambe ta espektakular, tur dos ta 95% fantástiko. Nan a analisá e efekto tambe den grupo di riesgo kaminda bo ta mira ku e efekto tabata meskos, pues e ta duna konfiansa ku e ta traha mesun bon pa hendenan den  grupo di riesgo. Un persona mester tuma dos spùit, unu promé i despues di 21 dia bo ta haña e di dos ora ku ta trata e bakuna di Pfizer i esun di Moderna ta 28 dia.

Meskos ku tur vakuna bo por haña un tiki doló di brasa, keintura ets, pero ta kos ku tur bakuna ta duna bo i esei ta bon.

Siensia ta hiba bo te sierto kaminda i aktitut di hende ta sobra. Si 50% di hende bisa nan no ta tuma e bakuna, nos a keda mesun leu.

Tur e trámitenan ku tin pa mantené nos safe, ta keda te ora sa si e protekshon ta steril òf ta djis pa bo no bira malu. Esaki ta importante. Tambe no sa ainda kon largu e vakuna ta protehá nos. Tin vakuna ku mester tuma kada dos aña, pero den e kaso aki no sa ainda. Dòkter Duits ta bisa ku sa si ku tin hende ku despues di 6 – 7 luna ainda tin e protekshon.

Pa loke ta otro efektonan ku e bakuna por trese kuné, esun mas grandi ta ku 1 den 100 mil hende tin un reakshon alèrgiko, pues ora ta kuminda bakuná ta keda vigilá e pashènt, maske e riesgo ta hopi abou. Mester keda si atento riba esaki.

A drenta un trayekto komo pais i e ta efektivo kompará ku otro pais, pues nos ta bai kuminsá introdusí bakuna, pero esaki no ta nifiká ku ora bo dak e vakuna bo ta kla. Mas hende wòrdu bakuna, mas lihé nos ta bai yega na e kaminda ku nos kier.

Login