Rodeweg — Un situashon hopi peligroso den nos sentro di suidat Otrobanda kaminda un edifisio di gobièrnu ta para den un estado sumamente dekaí i por forma peliger tantu pa personanan i outonan ku ta trafiká den bisindario .
Apesar ku gobièrnu di Kòrsou a pone un bòrchi grandi ku ta indiká e peliger pa ku esaki por mira klaramente kon e edifisio ta putri i ta laga fini fini di piedra kai. Loke ta hasi e situashon aun mas di prekupashon ta debí ku den e dianan di áwaseru aki por pone e muraya nan putri mas lihé i forma desgrasia. Por a tuma nota tambe ku tin un kontratista trahando riba e edifisio aki. Pero tòg ta hasi un súplika pa por terminá e trabou mas pronto posibel ya komo Otrabanda ta un di e sentro di suidatnan hopi bishita tantu pa nos hende nan lokal i nos turista nan ku ta atmirá nos edifisio nan di ántes i para saka potrèt na nan.