Willemstad— Ayera den oranan di mainta trempan e tim di aresto a drenta den un kas na Gato na unda a logra di detené un sospechoso ku tabata wòrdu buska pa un kaso di atrako den aria di Banda Bou.

Kontinuando ku un investigashon den un kaso di atrako kometé dia 24 di febrüari 2021 riba un turista den área di Banda Bou, polis a hasi un detenshon. Djabièrnè 14 di mei 2021, alrededor di 05.05 or, tim di aresto konhuntamente ku e tim di atrako a detené e hòmber sospechoso D.W.-J.W. di 21 aña di edat, nasé na Kòrsou. E detenshon di e sospechoso a tuma lugá na un adrès den área di Souax/Gatu.  Enkonekshon ku e investigashon aki a tene un entrada hudisial den un kas na Flip. A presentá e sospechoso dilanti di un fiskal ouksiliar ku a ordená su enkarselamentu, pendiente di mas investigashon.