Víktima na suela ku kap na kabes pero no ta kòrda kiko a pas’é.
Klein St Michiel — Polis i Ambulans mester a bai na Kaya Ma Pieternella pa un hòmber sinta riba kaya ku sla na su kabes.
Tabata den oranan di anochi durante di e “Toke De Keda” Polis haña un informashon di un hòmber sinta riba Kaya Ma Pieternella ku sla na altura di su kabes. Polis ku a yega na e sitio a bin topa ku e hòmber sinta riba kaya ku un kap formal na su kabes, e hòmber kual su pikòp tabata stashoná kantu di kaminda no ta kòrda presis kiko a pasa e. Segun habitantenan ku ta biba den e área ta trata di un hòmber ku ta biba den e kaya ariba menshoná un poko mas despues unda ku e insidente a tuma lugá. Ambulans a presentá na e sitio pa asina transportá e hòmber pa CMC.